Mal írë Mahtalë né telena ar Formeno atalantello altë lumbor ortaner ar nurtaner i eleni, Valar mauyaner Melcoro entulessë Valinórenna, má ar tál nútina ar úcenëa; ar së né tultaina Máhanaxarenna. Tanomë caitaneryë antaryanna Manwëo talussen ar arcanë rá avatyarmen; mal cyermerya né lalaina, ar neryë tulyaina Mandostenna, yallo úquen polë usë, Vala, Elda var Atan. Taurë ar sarnië mardi tanë, ar te ner cárinë Aman-nórëo númessë. Melcor né umbarna tanomë marë andavë neldë randar, epë së né námina ata, var së enarcanë rá avatyarmen.



Yávië auri


I morna menel autëa –
Lómimetta –
Sí hísië orta nandissen
Muina i aurë.

Cálë lanta ter hísë
Ve laurëa ëar nás véla
Teldavë i aurë coiva
Ar aiwi lirir.

Culdë i taurëo lassi
Vanwë ná i hísië
Tinwi i aldassen nár
Ve anaro níri

Lusseva súrë quirir i olvar
Palië lassessen
Ve laurëa mistë lantëantë
Ar Yavannassë​