Een soldaet sittende op stats muijren ... ende sijn schiltwacht hebbende ende nergens af wetende, mogelick een liedecken zijngende aldus, want sijt dic in den mont hadden:

Wilhelmus van Nassauwen
ben ick van Duytschen bloet
den Vaderlant ghetrouwe
blyf ick tot inden doet
een Prince van Orangien
ben ick vry onverveerd
den Coninck van Hispangien
heb ick altijt gheeert!

In Godes vrees te leven
Heb ick altijt betracht,
Daerom ben ick verdreven
Om Land, om Luyd ghebracht:
Maer Godt sal my regeren
Als een goet Instrument,
Dat ick sal wederkeeren
In mijnen Regiment.

Mijn schilt ende betrouwen
Zijt Ghy, O Godt, mijn Heer!
Op U soo wil ick bouwen,
Verlaet my nimmermeer!
Dat ick doch vroom mag blijven
U dienaer t'aller stond
Die tyranny verdrijven,
Die my mijn hert doorwondt.